افغان وزارتِ دفاع کے 209 الفتح کور کے تربیتی مرکز سے 222 نوجوان اہلکار تین ماہ کی عسکری اور نظریاتی تربیت مکمل کرنے کے بعد فارغ التحصیل ہو گئے۔
فارغ التحصیلی کی تقریب میں وزارتِ دفاع کے تربیت و تعلیم کے سربراہ شیخ داد محمد محمدی اور 209 الفتح کور کی قیادت سمیت دیگر اعلیٰ حکام نے شرکت کی۔
تقریب سے خطاب کرتے ہوئے مقررین نے نئے اہلکاروں کو نظم و ضبط، پیشہ ورانہ مہارت اور قومی ذمہ داری کے تقاضوں پر عمل کرنے کی تلقین کی۔ انھوں نے کہا کہ تربیت یافتہ اہلکار ملک کے دفاع اور سکیورٹی کی ذمہ داریوں کی انجام دہی میں اہم کردار ادا کریں گے۔
وزارتِ دفاع کے مطابق تین ماہ کے تربیتی پروگرام کے دوران اہلکاروں کو عسکری مہارتوں کے ساتھ ساتھ نظریاتی اور پیشہ ورانہ تربیت بھی فراہم کی گئی، تاکہ وہ اپنی ذمہ داریاں مؤثر انداز میں ادا کر سکیں۔
تقریب کے اختتام پر فارغ التحصیل ہونے والے اہلکاروں نے اپنی پیشہ ورانہ صلاحیتوں اور حاصل کردہ تربیت کو ملکی سکیورٹی اور دفاعی فرائض کی انجام دہی کے لیے بروئے کار لانے کے عزم کا اظہار کیا۔
Share this content:
کاشگل نیوز واٹس ایپ چینل
جموں کشمیر، گلگت بلتستان اور مظلوم اقوام کی غیر سنسر شدہ، حقیقی اور تازہ ترین خبروں کے لیے ہمارے واٹس ایپ چینل سے جڑیے۔
