باغ / کاشگل نیوز
پاکستان زیرِ انتظام جموں و کشمیر میں آئی جی پولیس لیاقت ملک کے خلاف سوشل میڈیا پر مبینہ طور پر پوسٹ کرنے کے معاملے میں فیصل جاوید میر کے خلاف مقدمہ درج کیے جانے کی دستاویز سامنے آگئی۔
دستیاب ایف آئی آر کے مطابق مقدمہ تھانہ پولیس کوٹلی میں درج کیا گیا، جس میں پولیس کی جانب سے فیصل جاوید میر کے خلاف مختلف دفعات کے تحت کارروائی عمل میں لائی گئی ہے۔ ایف آئی آر میں سوشل میڈیا پر مبینہ مواد، پولیس افسران کے خلاف الزامات اور دیگر معاملات کا ذکر کیا گیا ہے۔
دستاویز کے مطابق واقعے کی تاریخ 29 ستمبر درج ہے جبکہ رپورٹ 30 ستمبر کو درج کی گئی۔ ایف آئی آر میں جائے وقوعہ کے طور پر کوٹلی کا ذکر موجود ہے۔
دوسری جانب فیصل جاوید میر کی جانب سے مؤقف سامنے آیا ہے کہ آج پولیس کی جانب سے ان پر مبینہ قاتلانہ حملہ کیا گیا۔ تاہم اس حملے سے متعلق تفصیلات اور ذمہ داروں کے تعین کی آزادانہ تصدیق تاحال سامنے نہیں آئی۔
واضح رہے کہ ایف آئی آر میں درج الزامات مقدمے کا پولیس مؤقف ہیں، جن کا حتمی تعین عدالت میں شواہد اور قانونی کارروائی کے بعد ہوگا۔
Share this content:
کاشگل نیوز واٹس ایپ چینل
جموں کشمیر، گلگت بلتستان اور مظلوم اقوام کی غیر سنسر شدہ، حقیقی اور تازہ ترین خبروں کے لیے ہمارے واٹس ایپ چینل سے جڑیے۔
