بلوچستان کے ضلع پنجگور میں پاکستانی فورسز پر مسلح افراد کے حملے میں 20 اہلکاروں کی ہلاکت کی اطلاعات موصول ہوئی ہیں۔
ذرائع کا کہنا ہے کہ حملے کے دوران مسلح افراد چیک پوسٹوں کے اندر داخل ہو کر تمام اہلکاروں کو ہلاک کرنے کے بعد ان کے جنگی ساز و سامان بھی اپنے ساتھ لے گئے۔
واقعہ پنجگور کے علاقے گورگو میں پیش آیاجہاں درجنوں حملہ آور نے فورسز کے متعدد چیک پوسٹوں پر بیک وقت حملہ کیا جس کی بعد شدید فائرنگ کے تباد لے میں فورسز کے 10اہلکار جان سے گئے اور متعدد زخمی بھی ہوگئے ۔ واقعے کے بعد فورسز کا علاقے میں کلیئرنس آپریشن جاری ہے۔
ذرائع کے مطابق اس شدید نوعیت کے حملے میں مسلح افراد کی بڑی تعداد نے بیک وقت تین چیک پوسٹوں پر حملہ کیا، جن میں بڑی تعداد میں فورسز کے اہلکار ہلاک کیے گئے۔ ہلاک شدہ اہلکاروں کا اسلحہ اور دیگر جنگی سامان بھی قبضے میں لے لیا گیا۔
حملے کے حوالے سے پاکستانی فوج کے ترجمان ادارے آئی ایس پی آر کی جانب سے تاحال کوئی بیان جاری نہیں کیا گیا، تاہم دیگر ذرائع سے ہلاکتوں کی تصدیق کی گئی ہے۔
حملے کے بعد علاقے میں ڈرونز اور ہیلی کاپٹروں کی گشت جاری ہے، جبکہ مختلف مقامات پر شیلنگ بھی کی گئی ہے۔
حملے کی ذمہ داری بلوچ مسلح تنظیموں کے اتحاد بلوچ راجی آجوئی سنگر (براس) نے قبول کرلی ہے۔
براس کے ترجمان بلوچ خان نے میڈیا کو جاری کردہ اپنے ایک پریس ریلیز میں کہا ہے کہ اس حملے میں پاکستانی فوج کے کیمپ پر ممل کنٹرول حاصل کرنے کے بعد 22 اہلکار ہلاک کئے۔
Share this content:
