انڈیا کے دارلحکومت دلی میں لال قلعہ میٹرو سٹیشن کے قریب ایک کار میں دھماکے سے 10 افراد ہلاک ہوگئے۔
دلی فائر سروس کے مطابق اسے شام چھ بج کر 55 منٹ پر کال موصول ہوئی۔
دلی فائر سروس نے کہا کہ اسے ایک کال موصول ہوئی جس میں بتایا گیا کہ لال قلعہ میٹرو سٹیشن کے گیٹ نمبر ایک کے قریب ایک کار میں دھماکہ ہوا ہے۔
دھماکے کے بعد لگ بھگ چھ گاڑیوں میں آگ لگ گئی اور قریبی گاڑیوں کو بھی نقصان پہنچا۔
دہلی فائر سروس کا کہنا ہے کہ دھماکے کی اطلاع کے بعد سات آگ بجھانے والی گاڑیاں لال قلعہ میٹرو سٹیشن پر بھیجی گئی ہیں۔
آگ پر قابو پا لیا گیا ہے اور کسی جانی نقصان کی اطلاع نہیں ہے۔ دھماکے سے تقریباً چھ گاڑیاں متاثر ہوئیں۔
خبر رساں ادارے پی ٹی آئی کا کہنا ہے کہ علاقے کو گھیرے میں لے لیا گیا ہے۔
خبر رساں ادارے روئٹرز نے پولیس ترجمان کے حوالے سے بتایا ہے کہ دھماکے میں کم از کم 8 افراد ہلاک ہو چکے ہیں۔
انڈین ٹی وی چینلز کے مطابق دارالحکومت کے ساتھ ساتھ ممبئی میں بھی ہائی الرٹ جاری کر دیا گیا ہے۔
خبر رساں ادارے اے این آئی کے مطابق ایل این جے پی ہسپتال کے میڈیکل سپرینٹنڈنٹ کا کہنا ہے کہ دھماکے کے بعد ہسپتال لائے گئے آٹھ افراد دم توڑ چکے تھے۔
دہلی پولیس کمشنر ستیش گولچہ نے نامہ نگاروں کو بتایا کہ یہ دھماکہ مقامی وقت کے مطابق 18:52 بجے پیش آیا جب ایک سست رفتار گاڑی پھٹنے سے پہلے ریڈ سگنل پر رک گئی جس سے قریبی گاڑیوں کو نقصان پہنچا۔
انھوں نے کہا کہ کچھ لوگ اس دھماکے میں کچھ افراد مر گئے ہیں اور کچھ زخمی ہوئے ہیں۔ تاہم انھوں نے ہلاکتوں کی تعداد نہیں بتائی۔
خبر رساں ادارے روئٹرز کے مطابق پولیس ترجمان کا کہنا ہے کہ دھماکے کی وجوہات کی تفصیلات کا ابھی تک پتہ نہیں چلا ہے۔
دلی کے ڈپٹی فائر چیف کے حوالے سے بتایا گیا ہے کہ آگ میں کم از کم 6 گاڑیاں اور تین آٹو رکشہ پھنس گئے ہیں۔ مقامی میڈیا کی خبروں کے مطابق اس دھماکے میں کم از کم 11 افراد زخمی ہوئے ہیں۔
دوسری جانب ایک ہندوستانی صحافی نے ہلاکتوں کی تعداد 10 اورزخمیوں کی تعداد 20 سے زائد بتائی ہے۔
زخمیوں میں سے کئی کی حالت تشویشناک بتائی جا رہی ہے اور ہلاکتوں میں اضافے کا خدشہ ظاہر کیاجارہاہے۔
Share this content:
