پاکستان ٹیلی کمیونیکیشن اتھارٹی (پی ٹی اے) کے تازہ اعداد و شمار کے مطابق پاکستانی کشمیر میں رجسٹرڈ موبائل سمز کی مجموعی تعداد 46 لاکھ 1 ہزار 319 تک پہنچ گئی ہے، جو خطے میں ڈیجیٹل رابطوں کے بڑھتے رجحان کی عکاسی کرتی ہے۔
رپورٹ کے مطابق سب سے زیادہ صارفین Telenor کے ہیں، جن کی تعداد 20 لاکھ 59 ہزار 161 ہے۔ دوسرے نمبر پر Zong کے 10 لاکھ 20 ہزار 825 صارفین موجود ہیں۔
اسی طرح SCO (ایس کام) کے صارفین کی تعداد 8 لاکھ 95 ہزار 353 ریکارڈ کی گئی ہے، جبکہ Jazz کے 3 لاکھ 60 ہزار 198 صارفین ہیں۔ Ufone کے صارفین کی تعداد 2 لاکھ 65 ہزار 782 بتائی گئی ہے۔
پی ٹی اے کے مطابق خطے میں ڈی ایس ایل انٹرنیٹ صارفین کی تعداد صرف 7 ہزار 699 ہے، جو اس بات کی نشاندہی کرتی ہے کہ براڈبینڈ انفراسٹرکچر ابھی بھی محدود ہے اور مزید سرمایہ کاری کی ضرورت ہے۔
ماہرین کے مطابق موبائل صارفین میں اضافہ ایک مثبت پیش رفت ہے، تاہم تیز رفتار انٹرنیٹ اور جدید براڈبینڈ سہولیات کی فراہمی کے لیے حکومتی و نجی شعبے کو مزید اقدامات کرنے ہوں گے تاکہ خطے میں ڈیجیٹل ترقی کو مزید فروغ دیا جا سکے۔
Share this content:
