خطر ناک طوفانی موسم کی آمد ، باد وباراں کی پیشگوئی ،سیاحت پر پابندی نافذ

اسلام آباد ( کاشگل نیوز)

پاکستان کے محکمہ موسمیات کی جانب سے مزید بارشوں کی پیشگوئی کردی گئی ہے ۔

لاہور،فیصل آباد ،گوجرانوانہ ،سرگودھا ،خوشاب ،جھنگ ،ٹوبہ ،جہلم سمیت اسلام آباد،راولپنڈی،مری ،گلیات ،اٹک ،چکوال ،ملتان،بہاولپور،رحیم یارخان،بہاولنگر اور ڈی جی خان میں 18سے 20اگست تک بارشوں کا امکان ظاہر کیا گیاہے۔

میانوالی ،بھکر ،حافظ آباد،سیالکوٹ ،وزیرآباد ،ناروال میں بھی بارشوں کی پیشگوئی ہوئی ہے۔

سندھ کے مختلف شہروں میں 17سے 22اگست تک بارشوں کا امکان ہے ۔

کراچی ،سکھر،تھرپارکر،عمرکوٹ ،میرپورخاص ،بدین ،سجاول میں سمیت بلوچستان کے علاقوں بارکھان ،موسیٰ خیل ،لورالائی ،سبی ،ژوب سمیت گوادر ،قلعہ سیف اللہ ،خضدار ،لسبیلہ ،آوراران اور پنجگور میں بارش کی توقع کی جارہی ہے۔

محکمہ موسمایت کی جانب سے ہدایات جاری کی گئی ہیں کہ سیاح اور مقامی افراد سفر کے دوران اختیاط کریں۔

اس سلسلے میں محکمہ نے مون سون کی شدت،پہاڑی علاقوں میں سیاحت محدودکرنےکی ایڈوائزری جاری کر دی ہے۔

پاکستان کے وزیراعظم شہبازشریف کی ہدایت پراین ڈی ایم اےنےایڈوائزری جاری کی ہے۔

جبکہ آفات سےمتاثرہ علاقوں میں عوامی تحفظ کیلئےسیاحتی پابندیاں نافذ کردی گئی ہیںاورخطرناک علاقوں میں عوامی آمدورفت محدود کردی گئی ہے۔