ہیومن رائٹس کمیشن آف پاکستان (HRCP) نے نیشنل ٹریڈ یونین فیڈریشن کے مزدور رہنما اقبال ابڑو کی گرفتاری اور ان کے لاپتا کیے جانے کی شدید مذمت کی ہے۔
اطلاعات کے مطابق اقبال ابڑو کو کراچی میں کورنگی پولیس نے حراست میں لیا، جس کے بعد سے ان کا کوئی اتا پتا نہیں، جو ان کی شخصی آزادی، قانونی عمل اور من مانی حراست سے تحفظ کے بنیادی حقوق کی سنگین خلاف ورزی ہے۔
HRCP نے کہا کہ اس نوعیت کی کارروائیاں نہ صرف مزدور حقوق کو کمزور کرتی ہیں بلکہ ان محنت کشوں کو خوفزدہ کرنے کی کوشش ہیں جو اپنے قانونی حقوق، تنظیم سازی اور محفوظ ماحول کے لیے آواز اٹھاتے ہیں۔
بیان میں مطالبہ کیا گیا کہ اقبال ابڑو کو فوری طور پر بازیاب کیا جائے اور اس غیرقانونی اقدام میں ملوث تمام سرکاری اہلکاروں اور نجی عناصر کے خلاف کارروائی عمل میں لائی جائے۔
Share this content:
