باغ (نمائندہ کاشگل نیوز )
پاکستانی مقبوضہ جموں کشمیر میں جوائنٹ عوامی ایکشن کمیٹی کے ممبران نے یونین کونسل جگلڑی کی طرف سے منعقدہ تقریب حلف برداری جسے حق حکمرانی اور حق ملکیت کانفرنس کا نام دیا گیا تھا سے ممبرکور کمیٹی شوکت نواز میر انجم سجاد اعوان چوہدری امتیاز اسلم صہیب جاوید ارباب ایڈووکیٹ سردار افتخار زمان عمر نزیر کشمیری عابد شاھین افضل کشمیری سردار مہتاب ایڈووکیٹ سردار عاشر شجاع ایڈووکیٹ وقار افسر قاری عبیداللہ نے خطاب کرتے ہوئے کہا کہ حکومت آزادکشمیر کے پاس 128دن باقی ہیں چارٹر آف ڈیمانڈ پر عمل درآمد کیا جائے تجارت کے لیے کشمیر کے باڈر کھولے جائیں پاکستانی عوام اور کشمیری عوام کے درمیان نفرت کے بیج بونے والوں کے ہاتھ کچھ نہیں آئے گا ۔
ان کا کہنا تھا کہ پراپرٹی ٹیکس میں جو کمی کا اعلان ہوا تھا اس پر عمل کیا جائے کشمیریوں کی شناخت کو برقرار رکھا جائے بیس کیمپ کا مطلب یہ تھا کہ ہم مقبوضہ کشمیر کی آزادی کے لیے جہدوجہد کرتے حکمرانوں نے کشمیر کا سودا کردیا ہے 75 سالوں سے مسئلہ کشمیر اجاگر کرنے بیرونِ ملک دورے کیے جاتے ہیں لیکن کبھی یہ نہیں بتایا کیا کہ کس سے ملاقات کی آ زادکشمیر اسمبلی کے اندر مویشیوں منڈیوں کی طرح جھوٹ بولا جاتا ہے آ زاد کشمیر میں بجلی کے نظام کو آپ گریڈ کیا جائے اور کشمیر بینک کو شیڈول بینک کا درجہ دیا جائے ۔
مقررین نے کہا کہ جگلڑی کے اندر جوائنٹ عوامی ایکشن کمیٹی کو عوامی حقوق کی بات کرنے کی پاداش میں سرکاری سکول کے گراؤنڈ میں پروگرام سے روک دیا گیا جبکہ پیپلز پارٹی مسلم لیگ ن اور دیگر سیاسی جماعتوں کے لیے کھلی چھوٹ کیا ہم سے زیادہ محب وطن ہیں عوام اب ان کا ہر جگہ پیچھا کریں گے اگر ہمارے چارٹر آف ڈیمانڈ کے اوپر عمل درآمد نہ کیا گیا تو ہم آ ئندہ الیکشن نہیں ہونے دیں گے ۔
پروگرام کا اہتمام جوائنٹ عوامی ایکشن جگلڑی جن میں ماجد ریاض مبشر آ مین اسد عزیز عمران ایوب عبد المتین شمس الرحمن وقاص عزیز سرفراز مجید اجمل عزیز سمیع اللہ قاسمی سیف اللہ نے کر رکھا تھا۔
قبل ازیں نعمانپورہ سے جوائنٹ عوامی ایکشن کمیٹی کی قیادت کو ایک بڑے جلوس کی قیادت میں جگلڑی تک لایا گیا اور شدید نعرے بازی کی گئ جس میں سہولت کاروں سن لو ہم تمہاری موت ہیں آ واز دو ہم ایک ہیں۔
مقررین نے مزید کہا کہ ہم نے کسی ملک کے ایجنٹ ہیں نہ کسی ملک کے خلاف ہیں بلکہ ہم اپنے بینادی حقوق کی بات کرتے ہیں ہمیں صحت تعلیم روزگار دیا جائے اور یہاں ہنر مندی کے لیے ادارے قائم کیے جائیں آ ٹے کی ایلوکیشن آ بادی کے تناسب سے بڑائی جائے اور آ ٹے کی کوالٹی کو بہتر کیا جائے ٹورازم کے فروغ کے لیے ہماری سڑکات کو بہتر کیا جائے۔
یونین کونسل جگلڑی کی جوائنٹ عوامی ایکشن کمیٹی کا حلف ممبر کور کمیٹی سردار افتخار زمان نے لیا جبکہ اس موقع پر شوکت نواز میر نے جوائنٹ عوامی ایکشن کمیٹی کے ہر کارکن کو کہا کہ ہر کارکن اس دفعہ شجر کاری مہم کے دوران ایک پھیل دار درخت لگائے اور ساتھ ہی اپنی بنجر زمینوں کو آ بادی کاری کے لیے اقدامات کریں تاکہ ریاست خود کفالت کی طرف جا سکے یہ پروگرام سردی کے باوجود شام چار بجے شروع ہوا اور رات نو بجے تک چلتا رہا۔
