پاکستان کے زیر انتظام مقبوضہ جموں کے تحصیل بیرپانی میں ایف ایس سی کی ایک طالبہ نے چیئر لفٹ سے چھلانگ لگاکرمبینہ طور پر خودکشی کر لی ہے۔
واقعہ آج صبح بروزبدھ 17 ستمبر کو صبح 8 بجے پیش آیا۔
مبینہ طور پر خودکشی کرنے والی طالبہ کی شناخت یسری دختر محمد نسیم خان ساکن دھوندار، تحصیل بیرپانی کے نام سے ہوگئی ہے جو ایف ایس سی کی طالبہ اور رائزنگ اسٹار کالج چیڑھان میں زیرِ تعلیم تھی۔
کہا جارہا ہے کہ طالبہ نے کالج جانے کے بجائے بیرپانی تا چیڑھان چلنے والی چیئر لفٹ پر سوار ہو کر مبینہ طور پر خودکشی کر لی۔
عینی شاہدین کا کہنا ہے کہ طالبہ نے چیئر لفٹ سے چھلانگ لگا کر اپنی جان لے لی۔
واقعہ کے بعد علاقے میں خوف و افسوس کی فضا قائم ہو گئی ہے۔
متعلقہ حکام نے واقعے کی تحقیقات شروع کر دی ہے۔
Share this content:
